Младиот кошаркар на Минесота тимбервулфс, освојувачот на златен медал на неодамнешните Олимписки игри (ОИ), изјави дека само Мајкл Џордан имал вистински вештини во времето во кое играл.
На таа изјава на Едвардс, беше побаран коментар од легендата на Лос Анџелес лејкерс, Ервин Меџик Џонсон кој имаше спремен одговор.„Никогаш не одговарам на момче кое никогаш не освоило титула. Не ја освоил титулата на факултет, не знам ни дали освоил титула во средното училиште“!
За потсетување, Меџик беше петкратен НБА шампион со Лејкерс, а трипати беше биран за МВП на лигата.
Едвардс неодамна зборуваше за квалитетот на играчите во 1990-те во интервјуто за „Вол стрит џорнал“ (The Wall Street Journal), велејќи дека тогаш ретко кој ги поседувал вештините на сегашните играчи.
– Не сум гледал мечеви порано, па не можам да зборувам за тоа. Велат дека тогаш било потешко отколку сега, но мислам дека тогаш никој немал вакви вештини.
Мајкл Џордан беше единствениот кој навистина имаше такви способности, знаете на што мислам. Затоа кога го видоа Коби, беше, „ох, боже“. Но сега секој играч поседува такви вештини, изјави Едвардс.