Македонија и остави тешки последици на Италија, па Спалети порача: Бевме на дното од јамата

Селекторот на италијанската фудбалска репрезентација, Лучијано Спалети, го даде своето прво интервју во 2024 година за државната телевизија „Раи Дуе“, а се осврна на претстојното Европско првенство во Германија, иднината на „Азурите“.

Италија е актуелен европски шампион, но тие се многу разочарани бидејќи не успеаја да се квалификуваат за последните две Светски првенства, а главна причина за она во Катар беше Македонија.

Исто така и во квалификациите за ЕП се сретнаа со нашата селекција и одново имаа проблеми со оглед на тоа што во Скопје ремизираа.

-Квалификациите за еврото беа како глас што се издигнува од дното на јамата во која паднавме, викајќи му на светот дека и ние сме тука и дека сме поживи од кога било“, рече Спалети и додаде:

-Пласманот на Европското првенство ни овозможува да одиме во Германија за да ја одбраниме титулата што ја освоивме во 2021 година, но има уште многу работа, нагласи тој.

ПОВРЗАНИ НОВОСТИ





НАЈНОВО