Актуелниот шампион на Европа, германскиот Магдебург нема да може да ја брани титулата откако загуби во полуфиналето на Ф4 турнирот во Келн од данскиот тим Алборг со 26:28. Натпревар кој донесе многу возбудувања, пред се поради тоа што ниту една од екипите не дозволи противникот да направи голема предност, и во првото и во второто полувреме се играше гол за гол, а изедначено беше и на крајот на првиот дел кога на одмор двете екипи заминаа со резултат 11:11.
Изедначено беше се до самиот финиш кога Алборг успеа да направи предност од 2 гола разлика за прв пат на мечот (25:27), а оваа предност им донесе и победа од 26:28 на крајот со голот на Бартхолд кој значеше пласман на Алборг во утрешното финале.