Македонскиот репрезентативец Бојан Димоски заедмо со останатите репрезентативци го очекуваат пријателскиот натпревар на Македонија против Чешка, кој ќе се одигра на десетти јуни. Нашата репрезентација треба д аго пошрави впечатокот по поразот од Хрватска, а така размислува и Димовски.
„Мора да ја поправиме тактичката дисциплина и мора да одиграме квалитетно против силна репрезентација која се натпреварува на Европското првенство. За нас ова е последен контролен меч пред Лигата на нации и сакаме со максимално фокусиран пристап да извлечеме позитивен резултат.
Знаеме дека Чешка е квалитетна селекција, но ние покажавме дека можеме да играме со најдобрите во Европа, а тука мислам на Англија и Италија. Се надевам дека ќе успееме да се претставиме во добро светло и потоа ќе ги насочиме мислите на септемвриските предизвици“, изјави Димоски.
Македонија беше поразена од Хрватска на гостувањето во Ријека со 3:0, а сега гостува кај Чешка во Храдец Кралове, каде в понеделник на 10.јуни од 18 часот ќе играат против уште еден учесник на ЕП во Германија.