Марсеј се пласираше во полуфиналето на Лига Европа (ЛЕ), откако ја совлада Бенфика на пенали со 4:2 на „Велодром“, откако по 120-те минути немаше победник, односно вкупниот скор беше 2:2 (1:2 и 1:0). Потоа Марсеј ги реализираше сите пенали, додека Анхел ди Марија и Антонио Силва промашија за Бенфика.
Францускиот тим во полуфиналето ќе игра со Аталанта, која го елиминира Ливерпул, а втората полуфинална двојка ја сочинуваат Рома – Баер Леверкузен. Натпреварите ќе се играат на 2 и на 9 мај.