Интер го доби синоќа големото дерби против Јувентус, кое им дава ветер во грб во битка за титулата во Италија, но Симоне Инѕаги ги предупреди своите момци.
Инѕаги е доволно искусен да знае дека ништо уште не е готово во Серија А и дека Јувентус и Милан нема така лесно да се откажат од трката за Скудетото.
– Ова е важна и заслужена победа, екипата го демонстрираше тоа на терен кое го договоривме. Среќни сме, но ова е само еден чекор напред, ништо не е завршено. Јувентус и Милан се екипи кои не се откажуваат така лесно, се уште се во игра, порача Симоне Инѕаги.
Интер е лидер во првенството со 57 бодови, на втората позиција ги следи Јувентус со четири помалку, па следува Милан со 49 бодови.