Напаѓачот на Манчестер сити, Ерлинг Халанд, по вчерашниот триумф кај Нотингем форест, изјави дека сите треба да ја заборават трката за титулата и да се насочат само кон наредниот натпревар.
– Знаевме каде е Нотингем форест на табелата и дека ни претстои тежок натпревар. Теренот не беше најдобар, но не можеме да се жалиме на такви работи кога ни треба победа и токму тоа го направивме. Ако премногу размислувате за титулата ќе полудите. Треба да се опуштите, да уживате и да се фокусирате на мечот што доаѓа, вели Норвежанецот.