Менаџерот на англискиот Ливерпул, Јирген Клоп, потврди дека играчот од средниот ред на тимот Рајан Гравенберх нема да биде на терените во следните десетина дена.
-Рајан е во аут за најмалку два натпревари. Тој заработи повреда на лигаментите која можеше да биде и многу полоша. Ни требаат чуда со неколку играчи, затоа не сакам никого да исклучувам, но тоа е тешко“, вели Клоп пред дуелот од ФА Купот со Саутемптон.
21-годишниот Гравенберх го напушти теренот на носилки во финалето на Лига купот по жестокиот судир со Мојсес Каиседо.