Интер со многу труд ја победи Верона и прв ја мина целта откако одигра половина сезона. Нероаѕурите победија со 2:1 со исклучително драматичен финиш на мечот и филмски финиш.
Интер со победа од 2:1 ја обезбеди есенската шампионска титула во Серија А, но она што го одбележа мечот на стадионот „Џузепе Меаца“ беше нереално промашување од крајот на натпреварот.
Верона тргна на се или ништо, во противничкиот шеснаесетник во потрага за израмнување влезе и голманот Монтипо.
Сепак, одбраната на Интер во спорна ситуација ја исфрли топката, а Барела и Алексис Санчез се упатија кон празниот гол, а играчите на Верона заедно со Мотипо почнаа да ги бркаат.
Барела и Санчез дури се договорија што да прават. Италијанецот му предложи на Чилеанецот да остане малку зад себе за да избегне офсајд позиција.
Кога дојдоа на околу 20 метри од голот, следеше додавање, но дефанзивците на Верона успеаја да ја избие топката во корнер. Целиот напад погледнете го овде.
Дополнителна драма следеше по повик од ВАР собата. Имено, судијата Фабри реши да покаже на белата точка откако еден од играчите на Верона беше соборен.
Единствена утеха за Барело и Санчез е дека нивното промашување ќе биде заборавена бидејќи пеналот го „поништи“ неверојатното промашување.
По досудениот пенал одговорноста ја презеде Анри, кој шутираше доста лошо погодувајќи ја стативата.