Еден од најзаслужните за успехот на Ред Бул во Формула 1 (Ф1) шампионатот, главниот инженер на австрискиот тим, Адријан Њуи ќе го напушти актуелниот шампион во конкуренција на конструктори.
Како што пренесуваат многу европски медиуми, се’ е договорено и се очекува Ред Бул да ја потврди оваа вест пред почетокот на трката за Големата награда (ГН) на Мајами.
Adrian Newey’s #F1 departure from Red Bull is expected to be imminent, with sources suggesting an announcement could come ahead of the #MiamiGP
FULL STORY: https://t.co/WIXsSltrXJ pic.twitter.com/kTYFE2tpFh
— Autosport (@autosport) April 30, 2024
Њуи е најуспешниот дизајнер на автомобили во модерната Ф1 и е член на Ред Бул од неговото основање во 2006 година. Причините за разделбата се наводното незадоволство од улогата што ја има во тимот и несогласување со тимскиот шеф, Кристијан Хорнер.
Овој 65-годишник има договор кој е со важност до крајот на 2025 година, и за заминувањето досега не се огласил. Исто така, Ферари, наводно веќе разговарал со Њуи и му испратил понуда за соработка.
Заминувањето на Њуи, тоа исто така потенцијално би го довело во прашање статусот на трикратниот последователен светски шампион, Макс Верстапен, кој е бескомпромисно лојален на Њуи и советникот Хелмут Маркo.
Њуи учествуваше во освојувањето на седум титули за возачи и шест конструктори за Ред Бул.
Во генералниот пласман сега води Верстапен со 110 бодови, а зад него е Перез со 85. Годинашниот шампионат во Ф1 продолжува со ГН на Мајами на 5 мај.