Голема драма, тензии и спектакл донесе новото истанбулско дерби меѓу Фенербахче и Галатасарај, кое заврши без победник 1:1, а јунак на домаќините беше Џон Дуран, кој во 95-та минута спречи пораз на својот тим.
Галатасарај прв дојде до предност и тоа во 27-та минута, кога Лерој Сане со прецизен удар го совлада голманот на Фенербахче и донесе водство за гостите. До самиот финиш „лавовите“ успеваа да ја задржат минималната предност и се чинеше дека ќе си заминат со голема победа од „Шукру Сараџоглу“.
Меѓутоа, во судиското надополнување следуваше вистинска драма. По голема мешаница во шеснаесетникот, Дуран најдобро се снајде и во 95-та минута ја затресе мрежата на Галатасарај, носејќи огромна радост кај домашната публика и вреден бод за Фенербахче.
Со овој резултат, Галатасарај останува лидер на табелата, но неговата предност во однос на Фенербахче се намали на само еден бод, што најавува продолжение на жестоката битка за титулата во турското првенство.
Дербито уште еднаш потврди зошто пресметките меѓу овие два истанбулски ривали важат за едни од највжештените во европскиот фудбал.
МОЖЕБИ ЌЕ ВЕ ИНТЕРЕСИРА:
