Менаџерот на Астон Вила, Унаи Емери, нема да може да го користи својот голгетер Оли Воткинс за утрешното гостување кај Манчестер Сити. Надвор од комбинација за натпреварот на стадионот „Етихад“ е и Џејкоб Ремзи. Во декември, тимот од Бирмингем го победи шампионот со 1:0 на „Вила Парк“ во исклучително добар натпревар. Сепак, Астон Вила има пораз на секој од последните 13 гостувања на овој стадион.
-Двајцата нема да бидат достапни за утре. Ремзи не се подобрува онака како што тој самиот сака. Нема да брзаме и нема да биде подготвено за утре. Оли има мала повреда и му треба неколкудневен одмор. Тој веројатно би можел да биде достапен за неделниот натпревар. Секогаш е возбудливо да се соочиш со Манчестер Сити. За мене Пеп Гвардиола е најдобриот тренер во светот. Тој е брилијантен и на многу тренери им покажа нов начин на работа, изјави Унаи Емери на денешната прес-конференција.