Менаџерот на Арсенал, Микел Артета одговори на прашањето што треба да направи неговиот тим за да ја освои титулата во англиската Премиер лига.
– Победа на секој натпревар? Не знам. Но, сигурно нешто многу блиску до тоа. Кога ќе го видите нивото на другите тимови, константноста што ја покажуваат, знаете што е потребно за да го освоите првенството. Сфаќате дека победата на секој натпревар е она што ви треба, изјави Артета пред вечерашниот натпревар со Лутон.
Арсенал моментално, по 29. кола, е на второто место на табелата, со 65 бода, два помалку од лидерот Ливерпул. Првата тројка ја комплетира актуелниот шампион, Манчестер сити кој има 64 бода.