Шпанскиот тенисер Карлос Алкараз успеа да се пласира во четвртфиналето од мастерс турнирот во Мадрид, откако денеска во сминафиналето по голема борба, која траеше два часа и 55 минути, го победи Германецот, Јан Ленард Штруф со резултат 2:1 (6:3, 6:7 (5:7), 7:6 (7:4)).
Бранителот на титулата во Мадрид за освојување на првиот сет, му беше довлен еден брејк. Во вториот сет двајцата тенисери направија по еден брејк, па одлучуваше тај брејк и Германецот подобро се снајде, па мечот го однесоа во трет, одлучувачки сет.
Делуваше дека Алкараз со брејк во раната фаза од третиот сет, ќе оди полесно кон победа, при 5:3, сервираше за победа, но не искористи четири меч топки, па Германецот искористи трета брејк топка и во тој гем и продолжи неизвесноста.
За победникот се одлучуваше во тај-брејк во кој Алкараз беше сигурен и дојде до победа и пласман во четвртфиналето.
Таму веќе го чека дуел против рускиот тенисер Андреј Рубљов, кој нешто порано славеше против Холанѓанецот Талон Гркспор со 2:0.