Во натпревар од второто коло од Групата Х, Уругвај и Зеленортските острови ги поделија бодовите играјќи 2:2.
Двете екипи сега имаат по два бода. Нерешениот резултат ги остава двата тима за пласман во нокаут фазата, но за Уругвај ситуацијата стана многу покомплицирана бидејќи играат против Шпанија во последното коло.
Кевин Пина Лентини и донесе предност на африканската селекција, со гол од слободен удар.
Во финишот Уругвај изедначи во 44-та минута преку Араухо, а во петата минута од надополнувањето на времето, Канобио погоди за предност.
Конечниот резултат го постави Хулио Варела во 61-та минута, по големата грешка на комплетната одбрана на Уругвај.
Египет испиша историја и ја забележа првата победа на Светските првенства. По пресврт, „Фараоните“ го победија Нов Зеланд со 3:1 и се на чекор до пласман во нокаут фазата.
Нов Зеланд поведе по само 15 минути игра. Корнерот го изведе Пејн, стоперот Шурман најдобро се снајде во шеснаесетникот на Египет и ја испрати топката во мрежата со одличен удар со глава.
Иако Египет беше фаворит на хартија, Новозеланѓаните беа одлични во првото полувреме и заслужено заминаа на пауза со гол во предност. Сепак, пресвртот се случи за само десет минути од второто полувреме. Мохамед Зико го следеше одличниот центаршут на Хани во 58-та минута и го израмни резултатот со глава.
Во 67-та минута, на сцена стапи најдобриот египетски играч на сите времиња. Мохамед Салах одигра двојно додавање со херојот на натпреварот Зико, а потоа мајсторски ја испрати топката во левиот агол на голманот на Нов Зеланд за пресврт и водство од 2:1.
Резервата Трезеге стави точка на победата во 82-та минута.
