Откако во минатото коло го шокираа Баерн (М), фудбалерите на Мајнц денеска им зедоа мерка и на фудбалерите на Ајнтрахт. Во Франкфурт на гостински терен, Мајнц славеше со 1:3 со што ја запиша седмата сезонска победа и полека се доближува до ТОП 4 на табелата и местата кои водат во Лигата на шампионите следната сезона.
Денеска Мајнц поведе со автоголот на Сантос, а по него Небел со два гола го донесе Мајнц до убедливи 0:3. Голот за домашните го постигна Кристенсен.
Иако се чинеше дека кризата кај Штутгарт заврши, по четири меча без пораз, „швабите“ денеска загубија од Ст. Паули со 0:1 на домашен терен. Гостите можеа и поубедливо да слават, но промашија пенал.
Холштајн Кил се разигра и со 5:1 го победи Аугзбург, додека Вердер без поголеми проблеми со 4:1 стигна до бодовите на мечот со Унион Берлин. Победа на гости однесе и Борусија (М) која со 1:2 го победи Хофенхајм.