Меѓународната фудбалска федерација (ФИФА) ја одложи одлуката за палестинското барање за суспендирање на Израел од меѓународниот фудбал, по завршувањето на Олимписките игри (ОИ) во Париз. ФИФА објави дека двете страни побарале повеќе време за да ги достават своите ставови.
Во мај, Палестинскиот фудбалски сојуз (ПФА) побара од ФИФА да го суспендира Израел поради „геноцидот што го врши во Газа“, а ова барање беше поддржано од Азиската фудбалска конфедерација (АФЦ).
Израел се пласираше на машкиот фудбалски турнир на ОИ во Париз што ќе се одржат од 26 јули до 11 август.
Пред неколку дена, група адвокати специјализирани за меѓународно право ја повикаа ФИФА да му забрани на Израел да игра поради кршење на неколку статути поврзани со човекови права и хуманитарни цели.
Критичарите го обвинуваат Израел за геноцид врз Палестинците, што Израел го негира, велејќи дека неговите напади се насочени кон милитанти и имаат за цел да спречат друг напад како оној на 7 октомври, кога милитантите на Хамас убија 1.200 луѓе и зедоа повеќе од 250 заложници.