Швајцарката Лара Гут-Бехрами денеска ја забелeжа четвртата победа во низа сезонава, на скратениот спуст во Кран Монтана во рамките на Светскиот куп (СК) во алпско скијање.
За Гут- Бехрами тоа беше и четврта победа во Кран Монтана по што има предност од 105 поени пред Американката Микаела Шифрин во генералниот поредок и во трката за големиот „кристален глобус“ за севкупната победничка во СК.
Таа, исто така, е блиску до триумф и во спуст, бидејќи заостанува само 41 поен зад Италијанката Софија Гоџа, која се повреди и е надвор од конкуренција.
Треба да се напомене дека Гут-Бехрами води и во велеслалом со значителни 135 поени пред уште една Италијанка, Федерика Брињоне, како и во супервелеслалом, со 10 поени повеќе од Австријката Корнелија Хутер!
Таа има реални шанси да го повтори подвигот на Шифрин од 2019 година кога освои четири „кристални глобуси“.
Гут-Бехрами атакува на втората титула во генералниот поредок во СК, осум години откако ја освои првата. Тоа би се израмнила со Австријката Анемари Мозер-Прел, која ја освои првата титула во 1971-та, а шестата во 1979 година, и е единствената жена скијачка која победила со разлика од осум години.
Шифрин може да ја освои шестата титула најдобра во СК, но во моментов се опоравува од повредата на левото колено.