Белорусинката Арина Забаленка ќе ја брани титулата на Австралија опен во саботното финале во Мелбурн, откако во полуфиналето ја победи Американката Коко Гаф, во два сета, со 7:6 и 6:4.
Забаленка која е во низа од 13 победи по ред во Мелбурн, и се одмазди на Гаф за поразот во ланското финале на САД опен. Таа во финалето ќе игра против подобрата од второто полуфинале, Женг Чинвен – Дајана Јастремска.
Забаленка се’ уште нема загубено сет на годинашниот турнир и е првата тенисерка што се пласирала во две финалиња по ред на Австралија опен, по Серена Вилијамс на која тоа и успеа трипати, во 2015, 2016 и 2017 година.
– Едноставно, бев подготвен на се’ и успеав да се фокусирам на себе, изјави Забаленка.
По натпреварот таа ги поздрави тениските великани на трибината, меѓу кои беа Били Џин Кинг и Ивон Гулагонг Каули, која прославуваше 50 години од првата титула на Австралија опен.
– Не можев да сонувам дека ќе играм пред вас. Ви благодарам за се’ што направивте за нашиот спорт. Привилегија е да се игра пред вас, истакна Забаленка по интервјуто по натпреварот.
Таа потоа потпишуваше пешкири кои ќе се продаваат на аукција, а приходот ќе биде наменет за деца и за жени жртви на семејно насилство.