Расел Вестбрук следната сезона ќе игра за Денвер нагетс, вели веродостојниот НБА инсајдер Адријан Војнаровски. Тоа е резултат на договорот во кој Јута џез го презеде неговиот договор од Лос Анџелес Клиперс, потоа го отпушти, а тој се согласи на преселба во тимот предводен од српскиот центар, Никола Јокиќ.
Зад Вестбрук лани е статистички најслабата сезона во НБА. Тоа го направи со никогаш помалку минути (22,5 по натпревар) и никогаш помалку поени (11,1), со пет скока и 4,5 асистенции.
Тој беше МВП на лигата пред седум години и е деветкратен Ол-стар. Тој го држи рекордот според број на трипл-дабл ефекти (199), а дури четири сезони заврши со повеќе од 20 поени, 10 скока и 10 асистенции во просек.
Се очекува Вестбрук да ја засили конкуренцијата во составот, во кој покрај Јокиќ најголеми ѕвезди се Џамал Мареј, Мајкл Портер Јуниор и Арон Гордон. Се очекува Нагетс повторно да тргне по шампионскиот прстен, по првиот освоен лани.
Вестбрук одигра повеќе од 1.150 натпревари во регуларниот дел од НБА сезоната и повеќе од 120 во плејофот. Во натпреварите по регуларниот дел од лигата тој има просек од 23,6 поени, седум скока и 7,5 асистенции по натпревар. Никогаш не освоил шампионски прстен.