УЕФА има план за „средување“ на теренот во Франкфурт

УЕФА вели дека ќе ги превзме сите мерки за подобрување на квалитетот на теренот во Франкфурт по проблемите што на вчерашниот меч ги имаа фудбалерите на Англија и на Данска.

Играчите многу се мачеа поради лошата состојба на теренот. Големи парчиња трева имаше насекаде по теренот уште на почетокот од натпреварот, а по завршувањето персоналот на теренот беше забележан како носи полни кофи со трева.

– Постои план за решавање на конкретните проблеми и дополнително да се подобри квалитетот на теренот пред наредните натпревари, соопшти УЕФА.

Следниот натпревар што ќе се одигра на тој терен е на 23 јуни, меѓу домаќинот Германија и Швајцарија, во групата А.

Словачка и Романија ќе се сретнат на 26 јуни, во групата Е, а последниот натпревар во Франкфурт ќе биде во осминафиналето, на 1 јули, меѓу победникот од групата Ф и една од четирите најдобри третопласирани селекции.

 

 

ПОВРЗАНИ НОВОСТИ





НАЈНОВО