Македонскиот репрезентативен голман Столе Димитриевски се најде во центарот на вниманието во Шпанија, откако неговите изјави предизвикаа незадоволство кај раководството на Валенсија.
Димитриевски, кој летово пристигна на „Местаља“ како едно од засилувањата во тимот, јавно зборуваше за условите во клубот и за својата минутажа, што не им се допадна на челниците. Според шпанските медиуми, особено весникот Супердепорте, изјавите биле оценети како несоодветни и можат да влијаат на неговиот статус во тимот.
Голманот откри дека минатата сезона останал без бонус од 300.000 евра, бидејќи одиграл само девет натпревари наместо потребните десет. Дополнително, истакна дека клубот имал посебен договор со неговиот конкурент Џорџи Мамардашвили, според кој грузискиот голман мора да брани најмалку 30% од натпреварите, што дополнително ја ограничува неговата улога.
Од управата на Валенсија сметаат дека ваквите коментари требало да останат внатрешно прашање, а не тема за медиумите. Ситуацијата дополнително се комплицира бидејќи Димитриевски има договор до крајот на сезоната, па постои можност двете страни да се разделат порано од планираното.
Димитриевски оваа сезона има само еден настап во Купот на Кралот, а не се исклучува можноста во зимскиот преоден рок да побара нов клуб каде би имал поголема минутажа.
МОЖЕБИ ЌЕ ВЕ ИНТЕРЕСИРА:
