Селекторот на грчката кошаркарска репрезентација, Василис Спанулис го скрати списокот на играчи за квалификацискиот турнир за Олимписките игри (ОИ) во Париз.
Кошаркарите на Грција ги совладаа Бахамите со 102:75 на Акрополис купот, а Спанулис по мечот најави дека во продолжението од подготовките нема да смета на Јанис Кузелоглу, Јоргос Танулис и Лефтерис Манзукас.
Спанулис моментално има ростер од 14 кошаркари, а конечниот список од 12 играчи ќе биде објавен до почетокот на квалификацискиот турнир за ОИ.
На списокот се: Костас Антетокоумбо, Јанис Антетокоумбо, Ник Калатес, Василис Харалампопулос, Никос Хугаз, Панајотис Калаикакис, Јанулис Ларенчакис, Михалис Лунчис, Константинос Митоглу, Костас Папаниколау, Јоргос Папајанис, Димитрис Мораипилис и Томаси Вомаси.
Олимпискиот квалификациски турнир ќе се игра од 2 до 7 јули во Пиреја. Во групата А ќе играат Словенија, Нов Зеланд и Хрватска, а во групата Б se Грција, Египет и Доминиканската Република.