Селекторот на италијанската фудбалска репрезентација Лучијано Спалети денеска го објави поширокиот список на играчи за претстојното Европско првенство (ЕП) кое ќе се одржи во Германија.
Италија ја брани титулата европски првак, која ја освои во 2021 година. „Азурите“ до почетокот на ЕП ќе одиграат пријателски натпревари со Турција и со БиХ.
Повик од селекторот не добија Чиро Имобиле и Мануел Локатели, кои беа стандарни во тимот на Роберто Манчини во походот на европската круна. Интерсно Спалети го повика фудбалерот на Јувентус, Николо Фаџоли, кој не игра од октомври поради суспензија. Фаџоли беше казнет поради нелегалното обложување.
ЕП ќе се одржи од 14 јуни до 14 јули во Германија, а Италија во групата Б ќе игра против Шпанија, Хрватска и Албанија.
Списокот на Спалети:
Голмани: Џанлуиџи Донарума, Алекс Мерет, Иван Проведел, Гиљермо Викарио.
Одбрана: Франческо Ачерби, Алесандро Бастони, Раул Беланова, Алесандро Бонџорно, Рикардо Калафиори, Андреа Камбијасо, Матео Дармијан, Џовани ди Лоренцо, Федерико Димарко, Џанлука Манчини, Џорџо Скалвини.
Среден ред: Николо Барела, Брајан Кристанте, Николо Фаџоли, Мајкл Фолорунсио, Давиде Фратеси, Жоргињо, Лоренцо Пелегрини, Самуеле Ричи.
Напад: Федерико Киеза, Стефан Ел Шарави, Рикардо Орсолини, Џакомо Распадори, Матео Ретеги, Џанлука Скамака и Матијас Закањи.