На Шефилд му се одземени два бода за следната сезона во која најверојатно ќе игра во Чемпионшип, одлучи Премиер лигата. Казната е поради прекршувањето на правилата на Лигата во врска со неплаќањата на други клубови за време на сезоната 2022/23.
Казната на Шефилд, која почнува на почетокот од следната сезона во Чемпионшип, вклучува и плаќање на правните трошоци од 310.455 фунти. Клубот соопшти дека е „разочаран“, но и оти нема да се жали на одлуката.
Одложените плаќања, кои кумулативно беа повеќе од 550 дена, се случија за време на кампањата во која клубот беше воден од Пол Хекингботом и заврши како второпласиран, зад Барнли.