Славниот ирански фудбалски клуб Персеполис денеска се пофали дека на позицијата нов тренер на тимот доаѓа познатиот шпански стратег Хуан Карлос Гаридо.
„Хуан Карлос Гаридо е назначен за нов тренер на „црвените лавови“ по позитивните преговори и договорот со раководните лица на клубот“, се вели во клупската информација.
Интересно е да се напомене дека до вчера се зборуваше дека италијанскиот стручњак Валтер Мацари е во сериозни преговори со Иранците, но очигледно одлуката падна на Гаридо кој е екс-тренер и на Бетис и Виљареал.