Пред точно осум децении, играчите на Севиља ја освоија единствената шампионска титула во шпанскиот фудбал, но можат да се пофалат и со пет трофеи од Купот и еден во Суперкупот.
Од друга страна, клубот од најголемиот град во Андалузија забележа одлични резултати на меѓународната сцена, каде што во 21 век освои седум трофеи од Купот на УЕФА и Лигата на Европа и еден во Суперкупот на Стариот континент.
Во тековната сезона, Севиља го поминува својот најтежок период во новиот милениум.
На самиот крај од борбата за бодови во Ла Лига, тие се наоѓаат на дното на табелата и спасот сè уште не е обезбеден, но последните три првенствени натпревари најавија излез од кризата.
Сепак, се чини дека подобри денови допрва доаѓаат за „црвено-белите“ од Севиља.
Легендарниот шпански фудбалер Серхио Рамос и неговата инвестициска група „Фајв Елевен Капитал“ веќе потпишаа принципиелен договор за купување на клубот, објави ТВ Ел Чирингито. Останува само сè да биде заверено од нотар за договорот официјално да биде склучен.
Севиља отвора ново поглавје во својата историја, а многу фанови на андалузискиот клуб се надеваат дека ќе биде многу поуспешен и дека со Серхио Рамос на чело, клубот можеби би можел дури и да се вклучи во борбата за Лигата на шампионите, бидејќи тој многу добро знае како да освојува трофеи, а секако има желба на тој начин да му се оддолжи на клубот каде што играл фудбал.
