Се огласија од Гинис – Меси собори четири рекорди на Светските првенства

Два дена пред неговиот 39-ти роденден, Лионел Меси постави дури четири рекорди на Светските првенства.

Во победата на бранителот на титулата против Австрија со 2:0, во второто коло од групата, Меси ги постигна двата гола и со тоа постави рекорди, кои беа потврдени и од Гинисовата книга на рекорди.

Во соопштението за медиумите објавено по натпреварот, Гинисовата книга на рекорди ги наведе достигнувањата на Меси: со вкупно 18 гола, тој стана најдобар стрелец во историјата на Светските првенства, одигра најмногу натпревари (28), постигна најмногу победи (18) и помина најмногу минути на теренот на Светското првенство, вкупно 2489.

„Сведочиме на историски рекорди“, кратко изјавија од Гинис по повод најновите успеси на Меси на неговото шесто Светско првенство.

https://x.com/GWR/status/2069140296240128507?ref_src=twsrc%5Etfw%7Ctwcamp%5Etweetembed%7Ctwterm%5E2069140296240128507%7Ctwgr%5E0aed54ca2779662a6dc40ce6a3dddb9bec262f66%7Ctwcon%5Es1_c10&ref_url=https%3A%2F%2Fmakfax.com.mk%2Fsport%2Fse-oglasija-od-ginis-mesi-sobori-chetiri-rekordi-na-svetskite-prvenstva%2F

Foto:EPA