Францускиот репрезентативец Недим Ремили, ја доби наградата за најкорисен играч во големото финале на ЕП на мечот против репрезентацијата на Данска (33:31).
Ремили е третиот француски репрезентативец кој ја освојува оваа индивидуална награда. Два пати во таа улога беше Никола Карабатиќ (во 2008 и 2014 година), а првиот кој ја освои оваа блескава награда беше Џексон Ричардсон во 2000 година.
Иако Ремили на ова првенство постигна 34 погодоци и имаше 53 асистенции, тој не беше избран во идеалната екипа на првенството.
Апликацијата „Home of Handball“, преку која гласаа повеќе од 20 000 луѓе, а и според стручнаците на ЕХФ, едноставно немаше место во идеалната екипа на првенството во Германија за МВП-то Ремили, што е прилично бизарно.
Јури Кнор, Андреас Волф, Лудовик Фабрегас, Матијас Гидсел, Мартим Коста, Хампус Вејн и Роберт Вебер, се имињата кои обезбедија место од гласачите за идеалниот состав на ЕП.
Како специјалист за одбрана признанието отиде кај Магнус Саугструп.