Македонската кадетска ракометна репрезентација ја забележа првата победа на Европското првенство кое се одржува во Србија, откако попладнево ја совлада Италија со убедливи 33-23 во воведниот натпревар во групата 1 во разигрувањето за пласман од 9 до 16 место.
Избраниците на селекторот Горан Кузмановски од самиот почеток на дуелот во Белград стекнаа водство од три голови разлика и на полувремето заминаа со предност од 17-13.
Македонските ракометари во продолжението континуирани ја зголемуваа предноста, а при водство од 24-18 со серија од 5-0 дојдоа до двоцифрена предност и сигурна победа.
Бобан Поповски со максимална реализација беше најефикасен со девет голови