Новата сезона во македонскиот фудбал е пред самиот почеток. По одредувањето на паровите за Првата лига, беше спроведена и ждрепката за првото коло од Купот на Македонија.
На ждрепката директно се најдоа Вардар како актуелен освојувач на трофејот, финалистот Струга Трим Лум, како и тимот на Пчиња, кој доби место поради повлекувањето на Беса.
Прволигашките екипи, иако ќе гостуваат во оваа фаза, не би требало да се соочат со поголеми потешкотии за пласман во осминафиналето.
Новата сезона од националниот куп ќе започне на 26 и 27 август.
