Лоши вести за Реал Мадрид пред продолжението на сезоната. Белгискиот голман Тибо Куртоа повторно се повреди, само неколку недели по неговото враќање на теренот по тешката повреда на лигаментите што ја имаше минатата година.
Според шпанските медиуми, Куртоа почувствувал болка на последниот тренинг и веднаш ги прекинал вежбите. Медицинскиот тим на Реал Мадрид извршил првични прегледи кои укажуваат на нов мускулен проблем, а деталната дијагноза ќе биде позната во следните денови.
Ова е сериозен удар за тренерот Карло Анчелоти, кој токму што го врати Куртоа во тимот по повеќе од една година пауза. Во негово отсуство, голот на „кралскиот клуб“ најверојатно повторно ќе го чува украинецот Андриј Лунин.
Куртоа, кој се смета за еден од најдобрите голмани во светот, имаше одличен старт на сезоната по опоравувањето, но новата повреда повторно го враќа во неизвесност. Навивачите на Реал се надеваат дека паузата нема да биде долга и дека Белгиецот ќе се врати до крајот на годината.
МОЖЕБИ ЌЕ ВЕ ИНТЕРЕСИРА:
