Со доаѓањето на Дензел Дамфрис, на сите им е јасно дека Трент Александер – Арнолд ќе биде во втор план, тоа и нему му е јасно. Само една година откако ги сруши сите мостови по него, одби да го продолжи договорот и избега во Реал Мадрид без обештетување, од Англија приказна што ги превртува стомаците на навивачите на Ливерпул. Приказната за Трент Александер-Арнолд на „Сантијаго Бернабеу“ се претвори во првокласно фијаско под команда на Жозе Мурињо, а англиските аналитичари сега ладнокрвно сугерираат: Вратете го на Енфилд!
Дали некои англиски аналитичари навистина мислат дека фудбалската публика во Ливерпул страда од колективна амнезија? Откако помина цело лето и пролет уценувајќи го клубот од детството, а потоа отиде во Мадрид како слободен агент и им забоде нож во грб на навивачите кои пораснаа на Енфилд, Трент Александар-Арнолд сфати дека сонцето во Шпанија не е толку топло како што замислуваше.
Неговиот „сон“ се претвори во кошмар во кој собира трошки од клупата, а поранешниот играч на Челзи, Енди Таунсенд, сега јавно им кажува на раководството на „Црвените“ преку медиумите дека треба да ги извадат паричниците и да го вратат својот син одметнат на позајмица од една сезона! Доаѓањето на Жозе Мурињо на клупата на Мадрид беше последниот клинец во ковчегот на амбициите на Трент во Шпанија. „Специјалниот“ нема време за дефанзивци кои „играат плејмејкер“ и оставаат дупка во одбраната како швајцарско сирење.
Мурињо веднаш го донесе Дензел Дамфрис од Интер, човек кој ора по десната страна и целосно му одговара на неговиот тактички систем за бетонирање на одбраната.
“Сите знаеме како размислува Жозе. Дамфрис совршено се вклопува во неговиот профил. Трент е навикнат да напаѓа, а Мурињо бара дисциплина. Да бев Трент во оваа фаза од подготовката, сериозно ќе бев загрижен за моето време за играње“ посочува Енди Таунсенд.
Наместо Александер-Арнолд тивко да бара излез или да се бори за место под сонцето во Мадрид, низ Островот се прошири теоријата дека Ливерпул и неговиот нов менаџер Андони Ираола треба да послужат како безбедно место за да ја вратат нестабилната кариера на Трент.
Таунсенд тврди без ни малку срам дека сегашниот десен бек на Ливерпул, Џереми Фримпонг, „не е тоа“ и дека навивачите треба да ја проголтаат горчливата пилула за „повисока камата“. Значи, изнајмувањето на Арнолд…
“Дали Трент би го подобрил овој Ливерпул? Сто проценти да! Фримпонг сè уште не ми го покажа тоа конечно предавање во нападот што Трент го дели дури и додека спие. Знам дека тоа би било исклучително тешко за навивачите на Ливерпул да го проголтаат по сè што остави. Но, ако Ливерпул може да го донесе на позајмица, или за 5 или 10 милиони фунти… Не би размислувал двапати! Вратете го тоа момче низ вратата, тој е врвен играч“ дополни Таунсенд.
Да се сугерира дека клуб кој само пред 12 месеци беше брутално измамен за десетици милиони евра отштета, сега му плаќа надомест на Реал за да игра за нив и да го врати во живот играчот кој ги предаде, се граничи со научна фантастика.