Францускиот фудбалер Килиан Мбапе, одлучил и дефинитивно дека на лето ќе се пресели во Реал Мадрид, веста ја пренесува Ле Паризиен.
Според информациите на споменатиот весник, Мбапе веќе се договорил околу деталите на договорот со Реал Мадрид и во Шпанија доаѓа како слободен играч, па за него Реал нема да плати ниту евро обештетување.
По се изгледа дека на долгите натегања им доаѓа крај, ако се оствари тоа, Реал Мадрид ќе биде апсолутен победник, затоа што им доаѓа голем играч како бесплатен трансфер.
Мбапе пристигна во ПСЖ 2018 година, тогаш Монако за него заработи 180 милиони евра, а сега по истекот на договорот ќе вреди 0 евра за потенцијалните купувачи.
За „светците“ одигра 288 натпревари, во кои постигна 241 гол и запиша 105 асистенции.
Флорентино Перез му дал усна гаранција, односно најава дека ќе заработува преку 25 милиони евра по сезона.