Арне Слот од 1 јуни и официјално ќе го наследи Јирген Клоп како менаџер на Ливерпул, а новиот менаџер има свои желби за летниот преоден рок. Холанѓанецот, сепак, не смета дека Дарвин Нунес треба да биде првиот избор на напаѓач на Ливерпул оваа сезона.
Поради оваа причина, Слот се надева дека може да го донесе Оли Воткинс од Астон Вила. 28-годишниот фудбалер е во врвна форма и привлече внимание, што му ја отвора вратата на водечките тимови. Моменталната пазарна цена на Воткинс е 65 милиони евра, но нема сомневање дека Ливерпул ќе мора да издвои повеќе пари за да го ангажира.
Минатата сезона Англичанецот постигна вкупно 27 гола (19 во Премиер лигата) и направи 13 асистенции во сите натпреварувања. Сепак, се уште не е јасно дали Ливерпул прво ќе се обиде да го продаде Нунес или истовремено ќе започне преговори со Астон Вила.