Тимот на МЗТ Скопје загуби на домашен терен од составот на Спартак Суботица, на првиот меч од полуфиналето во АБА2 лигата.
Со ваков резултат, српската екипа е на чекор од финалето од плеј-офот, а МЗТ Скопје повторно покажа доста ранливост во играта на оваа средба (78:73).
Уште во првите десет минути се виде неконстантност во играта, по што МЗТ Скопје веќе имаше негатива од -8 (23:15). Во вторите 10 минути беа нешто подобри и намалија малку од негативата (35:31).
Најдобрата игра МЗТ Скопје ја покажа во третиот дел, каде беа позитивни и со плус влегоа во последните десет минути. Но токму кога требаше да се покаже цврстина во играта, МЗТ Скопје прими 26 кошеви и го загубија натпреварот.
Во редовите на МЗТ Скопје, најефикасен беше Војдан Стојановски кој реализира 20 поени, додека кај победникот, Гордиќ беше најрасположен за игра со биланс од 16 поени и 6 асистениции.