Младата женска фудбалска репрезентација на Македонија (до 17 години) со три убедливи порази го заврши настапот на квалификацискиот турнир што се одржа во Полска, во групата 7, лига А (втора рунда).
Во првото коло Македонија беше поразена од домаќинот, Полска со 0:9. Во второто коло нов пораз, од Данска 0:3, а во последното коло повторно дебакл, пораз од Шкотска, 0:7.
По одигрување на сите натпревари во групата 7, Македонија предводена од Катерина Милеска, се најде на последното место.
Првото место го освои домаќинот и фаворитот во групата, Полска со три победи. Втора беше Шкотска со две победи и еден пораз, а трета Данска со една победа и два пораза.
Во следниот квалификациски циклус, Македонија ќе игра во лига Б.