Македонија не успеа да го победи Казахстан во претпоследниот меч во квалификациите за пласман на Светското првенство. Вечерва во Скопје натпреварот заврши 1:1. По овој кикс на Македонија лидерската позиција во групата Ј ја презеде Белгија, која во Кардиф го победи Велс со 4:2.
Македонија одигра лошо прво полуреме, во кое и покрај тоа што казахстанскиот голман Сејсен имаше две брилијантни интервенции во периодот од 32-та до 34-та минута, делуваше бавно и без идеја.
Впечатокот е дека селекторот Милевски погреши што започна со Миовски и Ристовски во врвот на нападот.
Имаше и Казахстан голема шанса во првиот дел, но Чесноков во 19-та минута од три метри ја префрли топката преку голот.
Две измени на стартот на вториот дел ја раздвижија малку играта на Македонија. Но и тоа не беше доволни да се изврши посилен притисок кон голот на противникот.
Караман во 54-та минута ја искористи лошата проценка на Столе Димитиревски, по која настана мешаница во шеснаестникот, а Казахстанецот со ножички погоди за 0:1.
Шокантно делуваше тој гол за нашите фудбалери, кои набргу конечно влего во ритам, запомнаа да притискаат. Костадинов не реализира по еден час игра.
Изедначувањето дојде во 74-та минута. Капитенот Барди постигна брилијантен гол од слободен удар. Топката изпратена од 28 метри не можеше да ја одбрани Сејсен.
Тoј гол им даде дополнителна енергија на македонските фудбалери, имаше шанса Трајковски во 84-та минута и Серафимов во последните секунди од натпреваот но резултатото остана 1:1.
Табела:
