Тренерот на фудбалерите на ПСЖ, Луис Енрике, по убедливата победа над Монпелје со 6:2, во 26. коло на Лига 1, го пофали настапот на Килијан Мбапе кој постигна три гола.
– Мбапе одигра извонреден натпревар и мораме да го искористиме максимално додека можеме. Кога ќе немаме таква можност, ќе мораме да го подигнеме нашето ниво на игра. Од моментот кога е „роден“, тој постигнува голови надвор од шеснаесетникот, изјави Енрике.