Во второто според квалитет европско клупско фудбалско натпреварување, Лига Европа (ЛЕ) вечерва ќе се играат првите осминафинални натпревари.
Во еден од поинтересните мечеви, Ливерпул, лидерот во Премиер лигата, и гостува на Спарта во Прага, која исто така е водечка во чешката лига.
Спарта е во добра форма за што говори тоа дека на последните 14 меча забележа 12 победи, едно реми и еден пораз.
Спарта и Ливерпул се сретнаа во 16-финалето во ЛЕ во сезоната 2010/11, а поуспешен беше тимот од Англија (0:0 и 1:0).
„Црвените“ посакуваат пласман во финалето кое ќе се игра во Даблин на 22 мај, и поради податокот од едно истражување од 2020 година во кое се наведува дека 29 отсто од љубителите на фудбалот во Ирска навивааат за Ливерпул!
Двојките се следните:
Спарта Прага – Ливерпул
Рома – Брајтон
Бенфика – Ренџерс
Фрајбург – Вест хем
Карабаг – Баер Леверкузен
Марсеј – Вилјареал
Милан – Славија Прага
Реванш мечевите ќе се играат на 14 март.