Откако стана јасно дека нема да го задржат бразилскиот играч за врска Фелипе Андерсон, од Лацио тргнаа во брза операција и го обновија договорот со италијанскиот репрезентативец Матија Закањи, објави новинарот Алфредо Педула.
Договорот со италијанскиот репрезентативец е продолжен до 20 јуни 2029 година. Според новиот договор, фудбалерот ќе добива 3 милиони евра годишно плус бонуси. Закањи очекуваше понуда за продолжување на договорот уште минатата година, кога одигра одлична сезона во која му помогна на Лацио да заврши на второто место.