Македонската ракометна репрезентативка Ана Марија Коларовска одигра уште еден маестрален натпревар во Хрватска, за својот тим Брод, кој во крајно драматична завршница беше поразен со 35:36 од фаворитот Сесвете.
Уште од стартот на средбата, Коларовска покажа дека ќе биде една од клучните ракометарки во својот тим, започнувајќи со одлични продори да погодува и да и прави немир на противничката одбрана.
Коларовска погоди и за 35:35 на минута до крајот, на гостите го реализираа последниот напад и забележаа минимална победа. Ана Марија вкупно постигна 10 погодоци од 13 обиди, притоа имаше и една асистенција и една украдена топка.
Брод и натаму се бори за опстанок во елитата во Хрватска, но без разлика дали тимот ќе опстои, со своите партии Коларовска веќе успешно се „продава“ и за неа има позитивни коментари од најголемите хрватски ракометни работници, што сигурно и гарантира и трансфер во друг и постабилен клуб на Балканот.
