Екипата на Јувентус на последните осум натпревари забележа само една победа. Според поранешниот тренер на „старата дама“, Фабио Капело, тоа се должи на слабиот ростер.
-Пред се, да кажам дека Алегри правеше чуда до дербито на Италија држејќи го Јувентус блиску до Интер. Двата тима не се ни споредуваат по квалитет, дури и Милан е поконкурентен од Бјанконерите – вели Капело.
-Не е проблем што Алегри не користи трио во нападот. Ги нема Винисиус или Мбапе за да користи тројца напаѓачи. Нема сомнеж дека Киеза е опасен кога игра на крилната позиција. Откако ќе отиде во центарот, станува полесен за чување. Кои играчи ги има Алегри за напаѓачко трио со Киеза и Влаховиќ? – потенцира Капело.