Наскоро се очекува официјалната потврда дека Мехди Тареми ќе биде нов играч на Интер, односно второто засилување во текот на летото, по Пјотр Зјелински.
Иранскиот напаѓач (32), кој е слободен играч по истекот на договорот со Порто, пристигнува во Милано за да стави потпис на договорот со „нероазурите“.
Во текот на денов Тареми треба да ги мине медицинските прегледи и да потпише двегодишен договор со Интер, до 30 јуни 2026 година со можност за продолжување на уште една сезона. Неговата годишна плата ќе биде околу три милиони евра нето, плус бонуси.