Интер и официјално ги потврди повредите на двајца свои играчи, голманот Јан Зомер и играчот Стефан де Фреј.
На швајцарскиот голман му е дијагностицирано истегнување на зглобот, кое го заработи на пријателскиот натпревар со Данска (0:0). Искусниот чувар беше принудно заменет. Сеуште не е јасно колку време ќе отсуствува Зомер, а неговата состојба ќе се проценува од ден на ден.
Холанѓанецот Стефан Де Фреј заработи повреда на адукторот и за неколку дена ќе биде подложен на уште еден преглед. Двајцата се очекува да го пропуштат следниот натпревар на Интер против Емполи. Средбата е на 1 април, понеделник.