Барселона го победи ПСЖ на гости со 3:2 во првиот од четвртфинален натпревар во Лигата на шампиони (ЛШ). Сите телевизии добија изјави од играчите на двата тима по натпреварот, но не и шпанската „Мовистар“.
Виновникот за тов е поранешниот голман на Атлетико, Херман Бургос, кој ја навреди ѕвездата на Барса, Ламине Јамал. Додека зборуваше во студиото, на стадионот, пред натпреварот, Јамал жонглираше со топката зад него.
– Доколку нема успешна фудбалска кариера, ќе може да жонглира на семафорите секоја вечер, рече Бургос за Јамал, чија вредност се проценува на 200 милиони евра.
Неговиот коментар наиде на жестоки критики на социјалните мрежи, а стигна и до играчите на ПСЖ и на Барселона, кои одбија да дадат изјави за „Мовистар“ по натпреварот и побараа негово извинување.
– Немав намера да го навредам Јамал. Ако некој се почувствува навреден, јавно се извинувам, изјави Бургос по натпреварот.
🚨 Barcelona and PSG refused to give interviews with Movistar after the match last night due to a racist comment made by Germán Burgos about Lamine Yamal:
“If he wasn’t a good footballer his real place would be in front of the traffic lights every night.” 🤯🤯 pic.twitter.com/e1t1RAYDhC
— Football Tweet ⚽ (@Football__Tweet) April 11, 2024