Патрис Евра, некогаш ѕвезда на Манчестер Јунајтед и Јувентус, ги критикува современите фудбалери, тврдејќи дека многумина од нив повеќе личат на инфлуенсери отколку на вистински спортски професионалци.
Во изјава по одлуката на Јувентус да го отпушти тренерот Игор Тудор, Евра рече:
– Кога тренерот добива отказ, тоа значи дека не сте ја завршиле својата работа на теренот. Мене ми се случи само еднаш во кариерата и се чувствував како ѓубре.
Понатаму, тој ја опиша новата генерација фудбалери вака:
-Не сакам да бидам груб кон нив, но тоа е новата генерација – генерацијата на TikTok. Тие веќе не се фудбалери, туку брендови, рапери, инфлуенсери. Тие имаат премногу одвлекувања на вниманието. Ние само јадевме, спиевме и игравме фудбал. Денес, тоа го нема.
Евра истакнува дека ова се одразува и на клубовите, наведувајќи дека Јувентус го изгубил својот идентитет и вистинските вредности.
Со овие изјави, Евра го отворува прашањето за тоа каков е вистинскиот однос на фудбалерот денес — дали тој пред сè треба да биде спортист, или повеќе бренд/инфлуенсер.
