Тренерот на фудбалерите на Џенова, Алберто Џилардино, изрази разочарување од досудениот пенал за Интер на вчерашниот меч во Милано иако ВАР ја прегледа ситуацијата.
-На теренот не изгледаше како пенал и откако ја видовме снимката сега сме сигурни во тоа. Кога судијата беше повикан од ВАР, требаше да ја преиспита одлуката но, не го стори тоа. Да речеме дека е сомнително – вели Џиралдино.
– Тоа е разочарувачки бидејќи инцидентите како овој ги менуваат игрите. Мислам дека судијата и ВАР треба да комуницираат. Со достапен ВАР, судиите на теренот мора да запрат, дури и ако прегледот трае неколку минути. На крајот на краиштата, тие се луѓе и секој може да направи грешка – потенцираше тренерот на Џенова.