По состанокот на Извршниот комитет, Европската ракометна федерација (ЕХФ) го објави потесниот список со ракометари и ракометарки за наградата за најкорисен играч (МВП) во сезоната 2023/2024.
Во конкуренција на ракометари тоа се Дика Мем (репрезентација на Франција, член на Барселона), Емил Нилсен (Данска/Барселона) и Магнус Саугструп (Данска/Магдебург), а за наградата МВП за ракометарки кандидатки се Стине Офтедал (Норвешка/Ѓер, се пензионира на крајот на сезоната 2023/2024), Клое Валентини (Франција/Мец) и Лине Хаугстед (Данска/Ѓер, сега членка на Есбјерг), пишува ЕХФ.