Дрејмонд Грин се согласи да го продолжи својот престој во Голден Стејт Вориорс со нов едногодишен договор вреден 27,7 милиони долари објавија американските медиуми.
Грин претходно се откажа од својата играчка опција вредна 27,6 милиони долари ова лето за да им помогне на Вориорс да го ангажираат Леброн Џејмс како слободен агент.
Меѓутоа, откако Џејмс одлучи да потпише за Филаделфија 76ерс, Голден Стејт повторно го потпиша својот долгогодишен крилен центар за речиси истиот износ што претходно го одби.
Во регуларната сезона 2025/26, тој во просек бележеше: 8,4 поени по натпревар, 5,5 скока, 5,5 асистенции, со 41,8% успешност на шутот од игра.
Настапи на 68 натпревари и продолжи да биде еден од најважните дефанзивци во ростерот на Вориорс.